موقع الصالح : الطفل “ياسين” عن دوره بمسلسل فهد البطل: العوضي كان بيشجعني واستنوني في الأسد

استطاع الطفل ياسين عمرو بشقاوته وملامحه البريئة وموهبته الفطرية أن يدخل قلوب المشاهدين من خلال مشاركته هذا العام في مسلسل فهد البطل حيث يجسد دور زياد ابن ريكو “عصام السقا” ونوال “رباب ممتاز”، ولم تكن هذه أول مشاركة للطفل ياسين في الدراما التليفزيونية حيث سبق وشارك في العديد من الأعمال الدرامية.

وتحدث الطفل ياسين عمرو البالغ من العمر عشرة أعوام وطالب في أكاديمية الفنون المعهد العالي للباليه، عن مشاركته في مسلسل فهد البطل، حيث قال لـ “اليوم السابع”: “رشحت للدور عن طريق إحدى الشركات المتخصصة، للمخرج محمد عبد السلام وهو من أول مقابلة أنبسط منى وقالي أنت كنت فين وصور ليا كم مشهد وبعتني للنجم أحمد العوضي وهواختارني واتقابلنا في شركة سينرجي، ومثلت كام مشهد قدام النجم أحمد العوضى، وكنت فرحان جدًا عشان اختاروني من ضمن آلاف الأطفال اللي عملت الأوديشن وكانت من اجمل التجارب اللي أنا مريت بيها تجربتي في مسلسل فهد البطل”.

وعن أجواء كواليس مسلسل فهد البطل، قالت الطفل ياسين:” الكواليس كانت جميلة والمخرج محمد عبد السلام كان بيدعمني دايماً وبيقولى أنابحبك وأنت ممثل شاطر وجميل وليك مستقبل كبير قوي وكان دايماً بيحفزني والعوضي كان كل شوية يقولى أنت نجم وهتوصل بسرعه أنت فعلا فنان موهوب والنجم عصام السقا كان دايماً يقولي ياسين اللي بيعجبني فيك أن أنت بتدخل جوا الشخصية على طول مجرد ما المخرج يقول أكشن ومن الناس الجميلة كمان اللي اتعاملت معاها النجمة كارولين وميرنا ورباب ممتاز اللى عاملة دور مامتي أنا بحبها جداً “.

تابع :”أول يوم شوفت فيه النجمة رباب ممتاز كنت عايش الشخصية وخايف منها ومش عايز أعيش معاها ولا عايز أتعامل معاها وثاني لقاء بينا قالت لي أنت ليه واخد جنب مني تعالى أنا بحبك وحضنتني جامد فحسيت قد إيه هي حنينة وجميلة وأحلى أجواء لما كان يجي وقت الصلاة وكنت أنا والمخرج والكرو كلهم ندخل نصلي في المسجد، كان أجمل شعور كنت بحس بيه وآخر يوم تصوير كنت فيه في المسلسل العوضى اتكلم معايا كتير وجاب لي عصير مانجا وكان مبسوط منى و ده فرحنى جداً”.

وعن أصعب المشاهد بالنسبة للطفل ياسين عمرو في مسلسل فهد البطل، قال :” أصعب مشهد هو اللي اضربت فيه لأن الضرب كان حقيقي وكنت بعيط بجد “.

ولم يكن مسلسل فهد البطل أول عمل درامى للطفل ياسين، حيث قال :” مسلسل فهد البطل مش أول تجربة ليا أنا شاركت في أعمال كتير أهمهم جزيرة غمام مع أحمد أمين وبيت الرفاعي مع أمير كراره و منعطف خطر مع باسم سمره كنت ابنه و لحظه غضب وفيلم اللعب مع العيال مع محمد إمام والمخرج شريف عرفه ومسلسل الإمام الشافعي و مسلسل كارثه طبيعية مع محمد سلام وهيتم عرضه بعد السيزون الرمضاني وحالياً بصور فيلم أسد، وأهلى فخورين جدآ بيا واكتر حد بيتعب معايا ماما عشان هي اللي بتحفظني المشاهد”.

وعن توفيق ياسين بين التمثيل والدراسة قال: “التمثيل مش بيقصر علي يومي لأني أنا بحب التمثيل جدًا وأنا بلعب كره كما مع أصحابى في المدرسة”.

شاهد المزيد من أخبار مسلسلات رمضان عبر بوابة دراما رمضان 2025

ياسين مع النجم احمد العوضى

ياسين مع النجم عصام السقا

ياسين مع النجمة عايدة رياض

الطفل ياسين عمرو مع أحمد العوضى

الطفل ياسين فى كواليس المسلسل

صورة أخرى لياسين مع النجم أحمد العوضى

كواليس المسلسل

كواليس زفاف فهد

كواليس مسلسل فهد البطل