الصالح سبورت : حارس الأهلي يوضح حقيقة تمرده على النادي

أوضح حمزة علاء حارس مرمى فريق الأهلي، حقيقة تمرده على النادي خلال الفترة الماضية، مع اقتراب انتهاء عقده مع الفريق الأحمر.

ويرتبط حمزة علاء مع الأهلي بعقد يمتد حتى نهاية الموسم الحالي، أي إنه منذ يناير الماضي يحق إليه التوقيع لأي نادٍ على أن ينضم إليه بشكل مجاني في نهاية الموسم.

وكتب حمزة عبر حسابه الشخصي على موقع التواصل الاجتماعي “إنستجرام”: “رسالة لجماهير النادي الأهلي الغالية، حابب أوضح حاجة مهمة بخصوص الكلام اللي اتقال عني في الإعلام مؤخرًا، واللي بيقول إني رفضت أقعد مع إدارة النادي أو الناس المسؤولة في النادي اللي أتشرف بالانتماء ليه منذ طفولتي وحتى الآن، الكلام ده كله مش حقيقي ومفيش منه أي حاجة صح”.

وتابع: “أنا عمري ما اتأخرت عن أي اجتماع يخص مصلحة النادي، ويحترم كل شخص مسؤول في الكيان ده وموجود دايما علشان أسمع وأتكلم في أي وقت يتطلب كده”.

وواصل: “النادي ده ليه مكانة كبيرة عندي وكل يوم بفتخر إني بلبس التيشيرت بتاعه، وبحس دايما بدعمكم اللي لا يقدر بثمن واللي هو الدافع الحقيقي في كل يوم ليا في نادينا العظيم”.

وأكمل: “وجمهور الأهلي، أنتم ليكم فضل كبير جداً جداً عليا، وإنتوا سبب كبير جداً و رئيسي في اللي وصلت له محبتكم وسندكم عمرهم ما كانوا عاديين، وأنا شايل ليكم تقدير وحب كبير أوي جوه قلبي، وأعتقد كلكم عارفين إن حبي للنادي وللكيان ملوش حدود”.

واختتم حمزة علاء: “عمري ما أقدر أغلط ولا في النادي ولا في جمهوره ولا في أي مسؤول داخل النادي، وأنا مش الشخص اللي يكون ده موقفه مع النادي، فأنا أتشرف بالانتماء اليه وإلى جماهيره، كل الحب والاحترام للنادي الأهلي وجمهوره العظيم”.

ماذا قدم حمزة علاء مع الأهلي؟

وخلال الموسم الحالي، شارك حمزة علاء مع الأهلي في مباراة وحيدة، في ظل استحواذ محمد الشناوي ومصطفى شوبير على حراسة مرمى الفريق.